دامك لقيت الي من الناس عزك=روح وربي في فراقي يجازيك

انا الوحيد الي من الناس رزك=وانا الذي وافيت والكل جافيك

وان كان خلك في عنا الوقت دزك=هذا اختيارك وانت حر بمباديك

خليت لك قلبي ذراك وملزك=واقفيت عني والخطا منك وفيك

وان كان شيطانك علينا يوزك=وشلون تتكبر على الي مربيك

محدن ترى غيري من الناس رزك=احذر طريقك واذكر اول خطاويك

هذي نصيحه قلتها تب تعزك=عن كل شخصن غايته بس يبكيك

لا ترتمي بحضان كل من يخزك=لابد يومن يرخصك ثم يرميك